Moskvada Rusiya Prezidenti Vladimir Putinin andiçmə mərasimi keçirilib.

 

AZƏRTAC xəbər verir ki, Rusiya Federasiyası Konstitusiya Məhkəməsinin sədri Valeri Zorkin V.Putinin yeni prezidentlik dövrünə başladığını elan edib. Bundan sonra V.Putin prezident nişanını qəbul edib və and içib.

 

Böyük Kreml sarayında təşkil olunan mərasimdə 5 mindən çox insan iştirak edib. Vladimir Putin rusiyalılara müraciətlə nitq söyləyib. O, xalq və Rusiya qarşısında üzərinə düşən böyük məsuliyyəti dərk etdiyini, ölkənin tərəqqisi üçün əlindən gələni əsirgəməyəcəyini bildirib.

 

Xatırladaq ki, bu, Vladimir Putinin dördüncü prezidentlik dövrüdür. O, ilk dəfə Rusiya Federasiyasının başçısı vəzifəsinə 2000-ci ildə seçilmişdi.

 

Fəridə Abdullayeva

AZƏRTAC-ın xüsusi müxbiri

Moskva