1977-ci il 8 yanvar. Moskva metrosu. “İzmayılov” və “1 May” stansiyaları arasında baş verən partlayışda 7 nəfər həlak olur, 40-a yaxın insan yaralanır.

1994-cü il 19 mart. Bakı metrosu, saat 13.00 da “20 Yanvar” metro stansiyasında  qatar stansiyada dayandığı zaman, birinci vaqonda saat mexanizmi ilə təchiz edilmiş əldədüzəlmə partlayıcı qurğu işə düşür. Partlayış nəticəsində 14 nəfər həlak olur, 49 nəfər yaralanır. Həlak olanların arasında Azərbaycan Respublikasının Xalq artisti Rafiq Babayev də olur

1994-cü il 3 iyul. Bakı metrosu, saat 8:30-da  “28 May” stansiyasından çıxmış qatarın ikinci vaqonunda partlayış baş verir. Terror aktı nəticəsində 13 nəfər həlak olur, 58 nəfər isə yaralanır.

 

20 mart 1995-ci il. Aum Şinrikyo (yeni adı Aleph) dini cərəyanı eyni vaxtda Tokionun müxtəlif metro stansiyalarına “zarin” (sarin)  adlı kimyəvi zəhərli qaz buraxır. Hadisə nəticəsində 15 nəfər həlak olur. Ağır yaralananların sayı 50 nəfəri ötür. 6 minə yaxın isə insan qazdan zəhərlənərək paraliç olur.

 

2003-cü il 18 fevral. Cənubi Koreyadanın Taequ şəhərində pik saatlarında  naməlum bir şəxs içərisində alışqan maddə olan  süd qutusunu yandırır. Yanğının böyüməsi nəticəsində qatardakı digər vaqonları da alov bürüyür. Qatardan çıxan bilməyən 200 nəfərə yaxın insan yanaraq kül olur. 147 nəfər isə ağır yaralanır. 

 

2004-cü il 11 mart. Moskva metrosunda qatar  Avtozavod və Pavelevskaya stansiyasıları arasında olarkən sərnişinlər arasında olan Anzor İjayev adlı kamikadze üzərindəki bombanı partladır və özü də daxil olmaqla 42 nəfərin həyatına son qoyur. Yaralananları sayı isə 250 nəfər olaraq göstərilir.

 

 

2004-cü il 11 mart. Madrid dəmir yolu stansiyasında, səhər saatlarında şəhərlərarası hərəkət edən 4 qatarlarda ard-arda 10 partlayış baş verir. 191 nəfər həlak olur, 1800 nəfər yaralanır. 

 

2005-ci il 7 iyul. London metrosunda səhər saatlarında tuneldə hərəkət etməkdə olan  müxtəlif  qatarlarda  3 sərnişin özünü partladır . 4-cü partlayış isə “Tavistok”  meydanında 2 mərtəbəli avtobusda baş verir. İnsan tələfatı 52 nəfər, yaralılar 700 nəfər.

 

2010-cu il 29 mart. Moskva metrosunda pik saatlarında 2 nəfərin özünü partlatması 41 nəfərin ölümü, 88 nəfərin yaralanması ilə nəticələnir. Terror hücumu Moskavanın mərkəzindəki Lubyanka və Mədəniyyət parkı stansiyalarında gerçəkləşdirilir.