Moskvada Azərbaycan, Rusiya və Ermənistan baş nazirləri müavinlərinin sədrliyi ilə üçtərəfli İşçi qrupun iclası keçirilib.

AZƏRTAC Rusiya hökumətinin saytına istinadla xəbər verir ki, oktyabrın 20-də keçirilən iclasda Azərbaycan baş nazirinin müavini Şahin Mustafayev, Rusiya baş nazirinin müavini Aleksey Overçuk və Ermənistan baş nazirinin müavini Mger Qriqoryan iştirak ediblər.

Məlumatda deyilir ki, oktyabrın 20-də üçtərəfli İşçi qrupun 8-ci iclasının birinci hissəsi keçirilib. Görüşdə Cənubi Qafqazda nəqliyyat kommunikasiyalarının bərpası perspektivləri nəzərdən keçirilib, Azərbaycan Prezidenti, Ermənistanın baş naziri və Rusiya Prezidentinin 2021-ci il yanvarın 11-də imzaladıqları Bəyanat çərçivəsində görülən işlərin gedişi müzakirə olunub.

İşçi qrupunun 8-ci iclasının ikinci hissəsinin yaxın vaxtlarda keçirilməsi barədə razılıq əldə edilib.

Fəridə Abdullayeva

AZƏRTAC-ın xüsusi müxbiri

Moskva