Kərkicahan qəsəbəsində yerləşirdi. Sahəsi 1050 kv. metr olan, muzeyin binası Məhəmmədhəsən xanın mülkü olmuşdur. 

1940-1950-ci illərdə Kərkicahanda məktəb olmadığı üçün həmin bina 12 il məktəb kimi fəaliyyət göstərib. Yeni məktəb tikildiyi gündənsə  muzey şəklində fəaliyyət göstərmişdir. Muzeyin eksponatlarına gəlincə, onların sırasında Qarabağın məşhur şair-rəssamı Mir Möhsün Nəvvabın 8 rəsm portreti, bir çox xan və ağaların əşyaları (qılıncları, kəmərləri, geyimləri və s.), qədim Qarabağ xalçaları (28 ədəd, onlardan ikisi işğal zamanı yandırılmışdır), ən cavanı XVIII əsrə aid olan qədim əlyazmalar və kitablar, qədim və müasir tüfəng növləri və s. xüsusilə diqqətləri çəkən, Azərbaycan tarixixinə, mədəniyyətinə maraq yarada biləcək eksponatlar idi.

 

Vaxtilə Rusiyanın, Ukraynanın, Belorusiyanın, Türkiyənin, İranın, Özbəkistanın, Almaniyanın, Suriyanın və ABŞ-ın dahi adamları, alimləri bura gəlmiş, öz heyranlıqlarını bildirmişdilər. Kərkicahan işğal olunan zaman eksponatların 98%-i çıxarılmış, digərləri isə təəssüf ki, muzeylə birlikdə yandırılmışdır. Muzeyin qorunub saxlanılmış kolleksiyası hazırda Gəncə Şəhər Muzeyində saxlanılır.

 

Muzeyin sonuncu direktoru Nazim Məmmədov olmuşdur.