HƏVƏNGDƏSTƏ

hƏVƏNGDƏSTƏ

Aktual Xəbər

MN: Dağlıq Qarabağ münaqişəsinin yeganə həll yolu Ermənistan silahlı qüvvələrinin Azərbaycan ərazilərindən çıxarılmasıdır

Azərbaycan Müdafiə NazirliyiErmənistanın müdafiə naziri Seyran Ohanyanın iddialarına cavab verib.

Nazirliyin mətbuat xidmətindənAPA-ya bildirilib ki, Azərbaycanın dinc əhalisinə qarşı amansızlığı və qəddarlığı ilə seçilən, cinayətlər törətmiş Seyran Ohanyanın heç şübhəsiz xarici auditoriya üçün ünvanladığı siyasi terminlərlə dolu növbəti boşboğazlıq Ermənistanın hərbi-siyasi rəhbərliyindəki şəxslərin tam məsuliyyətsizliyi, öz xalqının gələcəyini düşünməyən kəslərin riyakarlığı və ikiüzlülüyünü bir daha sübüt edir: “Dağlıq Qarabağ münaqişəsinin yeganə həlli Ermənistan silahlı qüvvələrinin Azərbaycanın işğal olunmuş ərazilərindən tamamilə, birdəfəlik və qeyd-şərtsiz çıxarılmasındadır. Məsələ ya Ermənistanın beynəlxalq hüquq norma və prinsiplərə riayət etməsi ilə həll olunmalı, ya da Azərbaycanın ərazi bütövlüyünün bərpa olunması məqsədilə Silahlı Qüvvələrimiz tərəfindən qarşıda qoyulan tapşırıq tam icra edilməklə işğalçılar torpaqlarımızdan qovulmalıdır”.

Qeyd edək ki, S. Ohanyan Ermənistanın Dağlıq Qarabağ münaqişəsinin yalnız sülh yolu ilə həllini gördüyünü və bu istiqamətdə addımlar atdığını bildirib.

O, qoşunların təmas xəttində baş verən insidentlərin araşdırılması mexanizminin tətbiqinə dair təkliflərin Azərbaycan tərəfindən rədd edildiyini də deyib, bunu rəsmi Bakının cəbhədə gərginliyi artırmaq niyyəti ilə əlaqələndirib.

Bununla belə, o, hərbi əməliyyatların bərpa olunmasına az ehtimal verdiyini də vurğulayıb.

 

Dilqəm Əsgərov separatçı rejimin rəhbərliyinə əfv üçün müraciət etməyib

3d8b8e477f9b3d9d90a91ce258e08fdc

Azərbaycanın işğal olunmuş ərazilərində qurulmuş qondarma “məhkəmə”nin “hökmü” ilə ömürlük həbs cəzasına məhkum edilmiş Dilqəm Əsgərov əfv üçün müraciət hüququndan istifadə etməyib.

APA-nın “news.am” saytına istinadən verdiyi xəbərə görə, bu barədə Dilqəm Əsgərovun vəkili Erik Beqlaryan bildirib.

ABŞ Konqresində Xocalı faciəsinin ildönümü ilə bağlı bəyanat verilib

a53b47d5d298ff1d66f993a2043845b8

ABŞ Konqresindəki Azərbaycan üzrə işçi qrupun həmsədri, Tennesi ştatından olan konqresmen Stiv Kohen 25 fevral 2016-cı il tarixində yüzlərlə günahsız insanların ölümü ilə yadda qalan Xocalıqətliamının ildönümü ilə bağlı bəyanat verib.

Azərbaycanın ABŞ-dakı səfirliyindən APA-ya verilən məlumata görə, konqresmen Kohen bəyanatında atəşkəsin imzalanmasından 20 ildən çox keçməsinə  baxmayaraq, Azərbaycanın Dağlıq Qarabağ  və yeddi ətraf rayon daxil olmaqla 20% ərazisinin hələ də işğal altında qaldığını və bir milyondan artıq azərbaycanlının öz evindən didərgin düşdüyünü deyib.

Stiv Kohen Azərbaycanın çox çətin qonşuluq mühitində olmasına baxmayaraq, bir  çox məsələlərdə, o cümlədən təhlükəsizlik və enerji məsələlərində ABŞ və  müttəfiqlərinin güclü tərəfdaşı olmasını vurğulayıb. Eyni zamanda, konqresmen Azərbaycanın beynəlxalq sülhməramlı əməliyyatlara, xüsusilə NATO-nun Əfqanıstan əməliyyatına mühüm töhfəsini qabardıb.