Bizim sənətçi

Balacaların Kloun Sirakuz kimi tanıdıqları aktyor SİRAC AĞAYEV

12795517_222158824800078_7329708068252263943_n

– Sirac, sənətdə hər kəsin oynamaq istədiyi rollar var. Necə düşünürsünüz, kloun Otello və ya Hamlet rolu haqqında düşünməlidirmi?

– Otello rolunu oynamaq üçün aktyorun daxili aləmi geniş olmalıdır. Məncə, əsil aktyor klounun özüdür. Aktyorluq klounla başlayır. Bir obrazı özününküləşdirirsən və yalnız bundan sonra fərqli nüanslara gəlib çıxırsan. Mən özüm də klounluqla başlamışam, yalnız bundan sonra məndən tələb olunan obrazları yaşatmağa çalışmışam. Tutaq ki, indi Novruz bayramı ərəfəsindəyik. Məndən kloun yox, kosa obrazı yaratmağı tələb edirlərsə və mən peşəkaramsa, həmin obrazı yaratmalıyam. Yetər ki, insanın daxilində bu istək olsun. Böyük mütaliəsi, geniş dünyagörüşü olsun. Amma bunu klounluqla məşğul olan hər kəsə şamil etmək mümkün deyil.

Repi Azərbaycanın ən güclü alternativ musiqi janrı hesab edən URAN

URAN

– Sizcə Azərbaycan repi indi hansı çağını yaşayır?

 

– Azərbaycan repi indi formalaşma və inkişaf dövründədi, janr olaraq pop musiqi statusunda olmaması məncə daha böyük təkan verir onun imkişafına. Rep ölkənin ən güclü alternativ musiqi janrıdı. Yeraltı rep renessans çağına doğru irəlliləyir.

 

REP İDEOLOGİYA, YAXUD FƏLSƏFƏ DEYİL.

RETROSPEKTİVA – Xəttatlıqla və təbabətlə məşğul olan GÜLXAN BƏYDƏMİR

11960397_734651916660449_1906341526_o

 

-Uzun illərdir Türkiyədə yaşayırsız. Əvvəlcə Türkiyəyə gedişinizdən danışaq. Necə oldu xəttatlıqla orada məşğul olmağa qərar verdiniz?

– Mən rəssamam. İçəri Şəhərdə qəbir daşlarında olan yazılar və xəttatlıq sənəti məni həmişə özünə cəlb edib. Bilirdim ki, xəttat olmaq üçün ərəb əlifbasını öyrənməlisən, incəlikləri bilməlisən. Getdim Türkiyəyə. 5 il axtarandan sonra xəttat usta tapa bildim. Sıfırdan başladım, hərfləri öyrəndim. Təxminən 2 ilə kimi vaxt aldı. Əcnəbilər Türkiyəyə gələndə xəttatlıqla bağlı əsərlərə çox üstünlük verirlər.

Xəttatlıq çox incə və çox çətin sənətdir. Mən rəssam ola-ola nə qədər çalışsam da heç bir hərfi yanaşı qoyub, bir şey yarada bilmirdim. Mütləq incəlikləri bilməlisən. İncəlikləri isə ancaq ustanın əlinə baxaraq öyrənmək mümkündür. Xəttatlığın dinlə əlaqəsi yoxdur. Dünyada çox sevilən sənətdir. Əcnəbilər Türkiyəyə gələndə xəttatlıqla bağlı əsərlərə çox üstünlük verirlər. Hətta əksəriyyəti mənasını, incəlikləri bilməsə də əsəri alır, özü ilə ölkəsinə aparır.