Irs

Ağdam Çörək Muzeyi

Qarabağ muzeyləri

Ermənistan Silahlı Qüvvələri tərəfindən işğal edilən Azərbaycan ərazilərində və münaqişə zonasında  ölkəmizin maddi-mədəni irsinin daşıyıcısı olan  31 muzey fəaliyyətdə olub. Hazırda 103 minlik eksponat fondu  Ermənistanın Silahlı Qüvvələrinin nəzarəti altında olan ərazilərdə yerləşir.

Məqsədimiz Qarabağda olan maddi-mədəni irsimiz haqqında məlumatların gənc nəslə çatdırılmaqla yanaşı, beynəxalq təşkilatlara itkilərimiz barədə dürüst informasiyaları  çatdırmaqdır. Bu ideya Söz Azadlığını Müdafiə Fondunun  (SAMF) Azərbaycan Republikası Prezidenti yanında QHT-lərə Dövlət Dəstəyi Şurasının maliyyə dəstəyi ilə gercəkləşən layihədə mümkün olub.

Şuşa Şəhər Tarix Muzeyi

Yuxarı gövhər ağa məscidi

Şuşa  Şəhər  Tarix Muzeyinin yaradılması ideyası 1967-ci ilə təsadüf  edir. Həmin dövrdə Şuşa Rayon Partiya Komitəsinin birinci katibi işləmiş Arif Ağakişiyev tərəfindən belə bir muzeyin yaradılması ideyası  Mədəniyyət Nazirliyi qarşısında qaldırılır və ideya müsbət qarşılanır.  Az müddətdən sonra muzeyin yaradılmasına start verilir. Bu müddət ərzində paralel olaraq əhali arasında elan verilir və sakinlərdən könüllü şəkildə qədim əşyalar toplanılır.

Xocalı (Yaloba) Kənd Tarix-diyarşünaslıq Muzeyi

xocali

Erməni və rus birləşmələrinin törətdiyi “Xocalı soyqırımı” ilə artıq bütün dünyada tanınan Xocalı şəhəri tarixən Xocalı – Gədəbəy mədəniyyətinə aid edilən Xocalı qəbristanlığı ilə məşhurdur.

Zəngilan Daş Heykəllər Muzeyi

Zengilan

Zəngilan rayonunda yerləşən Daş Heykəllər Muzeyi 1989-cü ildə fəaliyyətə başlayıb. Muzeyin yaranma ideyası o dövrdə Zəngilan Xalq Deputatları Soveti İcraiyyə Komitəsində Mədəniyyət Şöbəsinin müdiri işləmiş Camal Sultanovun təklifi ilə həyata keçirilib. Şəhərin mərkəzindən yeddi kilometr aralıda yerləşən muzey fəaliyyətə başlayandan bir il sonra ayrıca subyekt kimi rəsmiləşdirilmiş və muzeyə üç ştat vahidi verilmişdir.

Mir Möhsün Nəvvabın Xatirə Muzeyi

Mir Mövsün Nəvvabın qəbri. Şuşa 1957-ci il. Heykəltəraş Tokay Məmmədov
Mir Mövsün Nəvvabın qəbri. Şuşa 1957-ci il. Heykəltəraş Tokay Məmmədov

Hələ  Mir Möhsün Nəvvabın  adını daşıyan  muzeyin yaranmamışdan 9 il öncə – “Şuşa” qəzetinin 1981-ci il 15 avqust tarixli sayında böyük sənətkarın xatirə muzeyinin hazırlandığı qeyd olunub. Yazıda bildirilib ki,  M.M. Nəvvabın yaşamış olduğu binada şair-rəssamın özü tərəfindən çəkilmiş, müxtəlif movzularda işlənmiş lövhələr bərpaçı-rəssamlar tərəfindən yenidən işlənib öz əvvəlki görkəminə salınır. Bina bərpadan sonra görkəmli şairin ev muzeyinə çevriləcəkdir.