Azərbaycanın işğaldan azad olunmuş ərazilərində – Şuşa, Hadrut və Xocavənddə elektromobillər üçün şarj stansiyası quraşdırılıb.

AZƏRTAC xəbər verir ki, bu barədə “Azərişıq” ASC-nin Tədris və İnnovasiyalar Mərkəzinin direktoru Araz Məmmədzadə bildirib.

“Gələcəkdə “Azərişıq”ın özü də bir müəssisə kimi elektromobillərdən istifadə etməyi planlaşdırır, xüsusən yaşıl enerji zonasında. Yarımstansiyaların yaxınlığında bu cihazları quraşdırmaq enerji mənbələrinə yaxın olduğu üçün daha asandı. Gələcəkdə yaşıl enerji zonalarında elektromobillər üstünlük təşkil edəcəyi üçün bütün yarımstansiyalarda şarj stansiyaları quraşdırılacaq”, – deyə A. Məmmədzadə əlavə edib.

AZƏRTAC