Azərbaycan Qış İdman Növləri Federasiyasının və “Şahdağ” Turizm Mərkəzinin birgə təşkilatçılığı ilə FIS təqviminə əsasən, “Azerbaijan Open” beynəlxalq dağ xizəyi turnirinin 3-cü gününün yarışları keçirilib.

Turnirin sonuncu günündə idmançılar dağ xizəyinin slalom kateqoriyasında mübarizəyə qoşularaq birincilik uğrunda yarışıblar.

Yarışın nəticələrinə əsasən, Qazaxıstan idmançısı Kseniya Brejnaya 1-ci, bu ölkənin digər təmsilçisi Dalel Talkunova 2-ci, Özbəkistan xizəkçisi Kseniya Qriqoreva isə 3-cü yerə sahib olublar.

Qeyd edək ki, “Azerbaijan Open” turnirində Azərbaycanla yanaşı, İsveçrə, Macarıstan, Sloveniya, Gürcüstan, Honkonq, Səudiyyə Ərəbistanı, Türkiyə, Nepal, Özbəkistan və Qazaxıstandan müxtəlif yaş kateqoriyalarını əhatə edən 25 qadın idmançı iştirak edib.

Yarışlarda ölkəmizi dağ xizəyi üzrə idmançı Anastasiya Papatoma təmsil edib.