Amerika xalqı öz seçimini etdi və Donald Trampı Prezident seçdi. Bu, Amerika xalqının seçimidir və bu seçimə dünya birliyinin bütün üzvləri kimi, Azərbaycan da hörmətlə yanaşır və Trampla əməkdaşlığa ümid edir. Azərbaycan Prezidenti İlham Əliyev də Donald Trampa prezident seçilməsi ilə əlaqədar təbrik məktubu ünvanladı.

AZƏRTAC xəbər verir ki, bu fikri Azərbaycan Prezidentinin ictimai-siyasi məsələlər üzrə köməkçisi Əli Həsənov jurnalistlərə müsahibəsində deyib.

Ermənistanın hazırkı rejimi erməni xalqını talan edir. Serj Sarkisyan prezident yox, işğalçıdır. O, təkcə azərbaycanlılara deyil, ermənilərə qarşı da soyqırımı həyata keçirib.

AZƏRTAC xəbər verir ki, bu fikirləri erməni hüquq müdafiəçiləri noyabrın 9-da Bakıda, Beynəlxalq Mətbuat Mərkəzində keçirdikləri mətbuat konfransında bildiriblər.

İnsan Hüquqları üzrə İctimai Şura Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə “Orta ümumtəhsil məktəblərində hüquq tərbiyəsinin təbliği məqsədi ilə tədbirlərin keçirilməsi” layihəsinin icrasına başlayıb.

Söz Azadlığını Müdafiə Fondu Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə “Daha gözəl Azərbaycan naminə: Azərbaycançılıq və Heydər Əliyev irsi” mövzusunda məktəblilər arasında tədbirlərin təşkili layihəsinin icrasına başlamışdır.

Noyabr ayının  4-də Niderlandın Zeyland bölgəsinin, Zirikze şəhərində Azərbaycanı tanıtmaq məqsədilə tədbir keçrilib. Şəhər kinoteatrında baş tutan təbdbir Niderlandda fəaliyyət göstərən “Connect”təşkilatının  təşkilatçılığı ilə düzənlənib.  Tədbirin aparıcısı, Niderlandda çıxan “Vereldregio” qəzetinin baş redaktoru Aad van der Vouden tədbiri açıq elan etdikdən sonra  söz “Connect” təşkilatının sədri, soydaşımız Vüqar Abbasova verilib.

4 noyabr 2016-cı il tarixində Ədliyyə Nazirliyində şərti olaraq vaxtından əvvəl azad olma institunun tətbiqi ilə bağlı yaradılmış komissiyanın növbəti iclası 9 saylı cəzaçəkmə müəssisəsində keçirilmişdir. Komissiyanın  işində “İnsan hüquqları XXI əsr – Azərbaycan” fondunun prezidenti, Ədliyyə Naziri yanında İctimai Komitənin üzvü Şahin Camalov da iştirak etmişdir. İclas zamanı komissiya tərəfindən 9 saylı cəzaçəkmə müəssisəsindən cəza müddətinin bir hissəsini tamamlamış, vaxtından əvvəl şərti azad olunması və ya məntəqə tipli cəzaçəkmə müəssissəsinə keçirilməsi məqsədilə ümumilikdə 15 nəfər məhkumun işinə baxılmış, onların şəxsi işləri, cəza çəkdiyi müddətdə müəssisənin daxili nizam-intizam qaydalarına necə riayət etməsi və islah prosesinə münasibəti ciddi araşdırılmış, məhkum barədə müəssisə əməkdaşlarının rəyi öyrənilmişdir. İclasın yekununda qaldırılan məsələlərlə bağlı müvafiq qərarlar qəbul olunmuşdur.