Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə fəaliyyətinə cəlb olunmuş qurumlar tərəfindən aprelin 13-19-da icra edilən minatəmizləmə əməliyyatlarına dair məlumat açıqlayıb.

Aprelin 20-də Azərbaycanın xarici işlər naziri Ceyhun Bayramov Tailand Krallığının paytaxtı Banqkok şəhərinə işgüzar səfəri çərçivəsində BMT-nin Asiya və Sakit Okean üzrə İqtisadi və Sosial Komissiyasının 82-ci sessiyasına (UNESCAP) sədr seçilib. Ölkəmizin növbəti bir il ərzində UNESCAP-a sədrlik etməsi nəzərdə tutulub.

Azərbaycanın xarici işlər naziri Ceyhun Bayramov Banqkokda keçirilən Birləşmiş Millətlər Təşkilatının Asiya və Sakit Okean üzrə İqtisadi və Sosial Komissiyasının (BMT ASİSK) “Heç kəsi geridə qoyma: Asiya və Sakit okean regionunda bütün yaş qrupları üçün cəmiyyətin inkişafı” mövzusuna həsr olunmuş 82-ci sessiyasına sədrlik edib.

Türkiyənin Balıkesir Universitetinin təşkilatçılığı ilə “Quvayi-Milliyə Şəhəri Balıkesir Beynəlxalq Yörük Türkmən Simpoziumu” keçirilib. Türkiyə, Qazaxıstan, Özbəkistan və Qırğızıstandan olan tanınmış arxeoloq və etnoqrafların qatıldığı tədbirdə ölkəmizi AMEA Arxeologiya və Antropologiya İnstitutunun aparıcı elmi işçisi dosent Anar Ağalarzadə və AMEA Lənkəran Regional Elmi Mərkəzinin elmi işlər üzrə direktor müavini Samir Kərimov təmsil ediblər.

Azərbaycan Prezidenti İlham Əliyev 2026-cı ili ölkədə “Şəhərsalma və Memarlıq İli” elan etmək haqqında Sərəncam imzalayıb. Bu təşəbbüs ölkənin əsrlər boyu davam edən şəhərsalma və memarlıq irsi ənənələrini qorumaqla yanaşı, sektorda müasir, innovativ yanaşmaların inkişafını və daha geniş tətbiqini təşviq etmək məqsədi daşıyır. Bu qərar Azərbaycanın müasir şəhərsalma problemlərinin həlli, davamlı inkişafın təmin edilməsi və tarixi irsin gələcəyə yönəlmiş memarlıq və planlaşdırma təcrübələri ilə uyğunlaşdırılması öhdəliyini əks etdirir.