Əmək və Əhalinin Sosial Müdafiəsi Nazirliyinin (ƏƏSMN) tabeliyində DOST Rəqəmsal İnnovasiyalar Mərkəzi Sinqapurun “Gazet International Global Magazine” jurnalının keçirdiyi müsabiqədə “Proaktiv xidmət mexanizmi” layihəsi ilə iştirak edib.

Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, layihə münsiflər heyəti tərəfindən yüksək qiymətləndirilib və müsabiqənin “2024-cü il üzrə Azərbaycanın ən yaxşı ödəniş mexanizmi” mükafatına layiq görülüb.

Həmin müsabiqədə müxtəlif ölkələrdən 300-dək nüfuzlu qurum təmsil olunub.

“Gazet International Global Magazine” jurnalı beynəlxalq arenada öz innovasiyaları, xüsusi nailiyyətləri və strategiyaları ilə fərqlənən qurumları təltif etmək üçün illik nəticələr əsasında müsabiqələr keçirir.