Erməni silahlı bölmələrinin Füzuli rayonunun Alxanlı kəndini atəşə tutması nəticəsində ölənlər nənə və nəvədir.

 

 

 

 

 

 

 

 

 

 

 

Alxanlı kənd ərazi nümayəndəsi İlham İsrafilov APA-nın Qarabağ müxbirinə bildirib ki,  kəndin axşam saatlarında artilleriya qurğularından və digər ağır silahlarından intensiv atəşə tutulması zamanı mərmilərdən biri kənd sakini Salman Quliyevin evinin həyətinə düşüb.

Partlayış nəticəsində 1967-ci il təvəllüdlü Quliyeva Sahibə İdris qızı və onun nəvəsi, 2015-ci il təvəllüdlü Quliyeva Zəhra Elnur qızı həlak olublar. Onların qohumu, 1965-ci il təvəllüdlü Quliyeva Sərvinaz İltifat qızı isə ağır yaralanıb.

Yaralı xəstəxana çatdırılıb.

Azərbaycan Ordusunun cavab atəşi ilə düşmən susdurulub.

http://www.apa.az/herbi-xeberler/herbi_xeber/ermeni-silahli-bolmelerinin-fuzulide-kendi-atese-tutmasi-neticesinde-olenler-nene-ve-nevedir-8553.html