Martın 15-də “Ramada Hotel”də Rza Rzayevin “Geyinilməmiş ayaqqabılar” filminin media üçün nümayişi oldu. Aprel şəhidlərinin xatirəsinə həsr olunan filmin təqdimatında media nümayəndələri, Milli Məclis üzvləri, kino işçiləri və keçmiş döyüşçülər iştirak edirdilər. Filmin nümayişindən sonra çıxış edən rejissor Rza Rzayev, baş rolun ifaçısı Gülzar Qurbanova, millət vəkilləri Aqil Abbas, Qənirə Paşayeva, Adil Əliyev, rejissorlar Elxan Cəfərov, Rüfət Əsədov, aktyor Məmməd Səfa, jurnalistlər Rey Kərimoğlu, Asəf Quliyev, İradə Tuncay və başqaları filmin bədii dəyərindən, Qarabağ müharibəsi haqqında əsil həqiqətlərin dünyaya çatdırılması baxımından oynaya biləcəyi roldan danışdılar.