Dünən, 30 sentyabr 2023-cü ildə tarixi bir hadisəyə şahidlik etdim.

Mübaliğəyə varmıram.

Ulu Öndər Heydər Əliyevin 100 illiyinə ithaf olunmuş “Göyçay Ensiklopediyası”nın Göyçay Rayon Heydər Əliyev Mərkəzində təqdim olunması məhz tarixi hadisə kimi dəyərləndirilməlidir.

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti Elxan Süleymanovun təşəbbüsü və dəstəyi ilə nəşr edilmiş nəfis tərtibatlı, az qala 700 səhifəlik kitabda minə qədər məqalə, 11 irihəcmli oçerk, illüstrasiyalar və xəritələr yer alıb. Belə bir samballı nəşrin təqdimat mərasimində səslənən çıxışlar məzmunlu, maraqlı olmaya bilməzdi.

Göyçay Rayon İcra Hakimiyyətinin başçısı Natiq Ağayevin, AVCİYA prezidenti, “Göyçay Ensiklopediyası”nın ideya müəllifi və naşiri Elxan Süleymanovun, nəşrin Elmi-redaksiya şurasının sədri, Xalq yazıçısı, Azərbaycan Yazıçılar Birliyinin sədri Anar Rzayevin, şura üzvlərindən coğrafiya elmləri doktoru, professor, Əməkdar müəllim Şövqi Göyçayskinin, filologiya elmləri doktoru, professor, ensiklopediyanın baş redaktoru Asif Hacılının, Milli Məclisin İnsan hüquqları komitəsinin sədri,  Sosial Tədqiqatlar Mərkəzinin rəhbəri Zahid Orucun, kitabın elmi məsləhətçilərindən “Göyçay” qəzetinin redaktoru, Əməkdar müəllim Adil Məmmədovun,  “Yeni Müsavat” qəzetinin əməkdaşı Elşad Məmmədlinin çıxışlarını diqqətlə dinlədik.

Bu çıxışlarda o qədər yaddaqalan məqam, o qədər məna çaları vardı ki. Saymaqla bitməz…

Düşünürəm ki, bu kitab haqqında da, bu kitabın təqdimat mərasimi haqqında da yenə yazacağam…

Bütün iştirakçılarının yaddaşında həmişəlik iz qoymuş tədbir dünən baş tutub. Çox güman ki, bir müddət keçdikdən sonra bu hadisənin əhəmiyyətlilik  əmsalının böyüklüyü daha aydın hiss olunacaq. AVCİYA prezidenti Elxan Süleymanovun rəhbərlik etdiyi peşəkarlar komandasının növbəti uğuru uzun müddət diqqət mərkəzində olacaq.

Mən buna şübhə etmirəm.

Və buradaca nəşrin ərsəyə gəlməsində müstəsna xidmətləri olmuş insanların ad və soyadlarını qeyd etmək istəyirəm.

Nəşrin ideya müəllifi və naşiri Azərbaycanda Vətəndaş Cəmiyyətinin İnkişafına Yardım Assosiasiyasının prezidenti Elxan Süleymanov.

Elmi-redaksiya şurasının sədriXalq yazıçısı, Azərbaycan Yazıçılar Birliyinin sədri Anar Rzayev.

Elmi-redaksiya şurasının üzvləri ADPU-nin professoru, Əməkdar müəllim Nadir Abdullayev, siyasi elmlər üzrə fəlsəfə doktoru, Əməkdar jurnalist, “1905.az STUDİO”nun direktoru Fuad Babayev,  coğrafiya elmləri doktoru, professor, Əməkdar müəllim Şövqi Göyçayski, filologiya elmləri doktoru, professor , baş redaktor Asif Hacılı, İsveçin Umea Universitetinin elmi işçisi və mühazirəçisi, dosent Səadət Kərimi, fizika-riyaziyyat elmləri doktoru, Türkiyənin Bilkənd Universitetinin professoru Azər Kərimov, filologiya elmləri doktoru, professor Paşa Kərimov, Azərbaycan hüquqşünası və dövlət xadimi Əlisaab Orucov, siyasi elmlər doktoru, BDU-nun professoru Ramiz Sevdimalıyev, fizika-riyaziyyat elmləri doktoru, Türkiyənin Hacettepe Universitetinin professoru Kamal Soltanov, iqtisadiyyat elmləri doktoru  Vurğun Süleymanov, tarix elmləri doktoru, professor Məhərrəm Zülfüqarlı.

Elmi məsləhətçilər pedaqoq Vüqar Abdullayev,  filologiya üzrə fəlsəfə doktoru, dosent Atəş Əhmədli, filologiya üzrə fəlsəfə doktoru Əkbər Əliyev, filologiya üzrə fəlsəfə doktoru, dosent İradə Kərimova, filologiya üzrə fəlsəfə doktoru Təranə Məhəmmədqızı, Yeni Müsavat” qəzetinin əməkdaşı Elşad Məmmədli, “Göyçay” qəzetinin redaktoru, Əməkdar müəllim Adil Məmmədov, ilahiyyat üzrə fəlsəfə doktoru, dosent İslam Musayev, Göyçay rayonu Ağsaqqallar Şurasının sədri Xəlil Orucov, Göyçay rayonu Müharibə və Əmək Veteranları Şurasının sədri Atəş Salahov, tarix üzrə fəlsəfə doktoru, Əməkdar müəllim Pərviz Yəhyalı, Göyçay rayon İcra hakimiyyətinin İctimai-siyasi və humanitar məsələlər şöbəsinin müdiri Zivər Zeynalova.

Məsul redaktorlar Laləzər Abbasova, Sevda Zeynalova, bədii redaktor Təmkin Məmmədli, texniki redaktor İrina Muxtarova, orijinal maketin müəllifi Mehman İbrahimov, cildin dizaynını işləmiş Elviz İsmayılov, korrektor qrupunun koordinatoru Fatmaxanım Həsənova, korrektorlar Sadiq Hüseynov, Aqşin Məsimov, www.goycay-encyclopedia.az portalının dəstəklənməsini həyata keçirmiş  Mansur Manafov, Ləman Carçalova.

Bölgə ziyalılarının masaüstü kitabı olacaq  “Göyçay Ensiklopediyası” bu yaradıcı heyət tərəfindən ərsəyə gətirilib.

Fuad Babayev