İnanıram ki, Azərbaycan-Monqolustan əlaqələrinin mövcud potensialından daha səmərəli istifadə olunması, əməkdaşlığımızın keyfiyyətcə yeni mərhələyə yüksəlməsi naminə bundan sonra da birgə səylər göstərəcəyik.

AZƏRTAC xəbər verir ki, bu fikirləri Prezident İlham Əliyev Monqolustanın milli bayramı münasibətilə Monqolustan Prezidenti Uxnaaqiyn Xurelsuxaya təbrik məktubunda ifadə edib.

Dövlətimizin başçısı Prezident Uxnaaqiyn Xurelsuxaya ən xoş arzularını yetirib, dost Monqolustan xalqına daim əmin-amanlıq və firavanlıq arzulayıb.

AZƏRTAC