Siyasi elmlər üzrə fəlsəfə doktoru, Əməkdar jurnalist Fuad Babayevin “Qubanın ağ alması” adlı kitabı nəşr olunub.

Arxeoloq Nəsimi Quliyevin xatirəsinə ithaf olunan kitabda əsasən müəllifin Azərbaycanda Vətəndaş Cəmiyyətinin İnkişafına Yardım Assosiasiyasının 1905.az portalında yayımlanmış yazılarının bir qismi, o cümlədən, “Tsereteli üçün ideya”,  “Cənab Fridmanın. “Ekvator”u”, “Kibermüharibənin duyulması?!”, “Si Szinpinin kitab rəfi”, “Yalançı elm və Qərbi Avropa”, “Hammurapi sağ olsaydı”, “Müqayisəli gerontologiya”, “Seçki N 58”, “Üçüncü” kimi publisistik əsərləri yer alıb.

Bundan başqa, nəşrə müəllifin “Panorama daily”, “Bu gün”, “Press-fakt”, “Xalq qəzeti” və “Ədalət” qəzetlərində dərc olunmuş beş müsahibəsi də daxil edilib. 

525-ci qəzet