Hər sahədə getdikcə daha da inkişaf edən Azərbaycan Prezident İlham Əliyevin rəhbərliyi ilə olduqca mühüm addımlar atmaqdadır. Azərbaycanda bütün sahələrdə ciddi inkişaf var.

Bu fikirləri AZƏRTAC-a açıqlamasında Türk Əməkdaşlıq və Koordinasiya Agentliyinin (TİKA) sədri Abdullah Eren ifadə edib.

O, artıq Azərbaycanla daha çox inkişaf proqramları çərçivəsində əməkdaşlıq etməyin zəruriliyini bildirib: “Azərbaycan bizim üçün qardaş ölkədir. TİKA olaraq Azərbaycanın rifahı üçün dəstək göstərə biləcəyimiz hər sahədə qardaşlarımızın yanındayıq. Hazırda Mərdəkan qalası ilə bağlı birgə layihəmiz var. Əməkdaşlığımız və qarşılıqlı dəstək gələcəkdə də davam etdirilməlidir”.

_{Günel Karatepe}

_{AZƏRTAC-ın xüsusi müxbiri}

_Antalya