21:24

Ankara valiliyinin verdiyi ilkin məlumata görə, partlayış nəticəsində 27 nəfər həlak olub, 75 nəfər yaralanıb. Hadisənin partlayıcı yerləşdirilmiş avtomobil vasitəsi ilə törədildiyi bildirilir

X X X

Martın 13-də Türkiyə vaxtı ilə saat 18:35-də Ankara şəhərinin mərkəzində – “Kızılay” meydanı yaxınlığında güclü partlayış olub. Hadisə avtobus dayanacaqlarının yerləşdiyi ərazidə baş verib.

İlkin məlumata görə, hadisə nəticəsində yaralananlar olub. Ətrafdakı avtomobillərin və binaların xəsarət aldığı bildirilir.

Hadisə yerinə təhlükəsizlik qüvvələri və çoxlu sayda təcili tibbi yardım maşını cəlb olunub.

Ankara valiliyinin verdiyi ilkin məlumata görə, partlayış nəticəsində 27 nəfər həlak olub, 75 nəfər yaralanıb. Hadisənin partlayıcı yerləşdirilmiş avtomobil vasitəsi ilə törədildiyi bildirilir.

 

AZƏRTAC