Azərbaycan Ankaranın Hacettepe Universitetində keçirilən Beynəlxalq Mədəniyyət Günündə təmsil olunub.

AZƏRTAC xəbər verir ki, tədbirin keçirilməsində məqsəd Türkiyənin aparıcı universitetlərindən birinin müəllim və tələbələrinə dünyanın müxtəlif xalqlarının mədəniyyəti, tarixi və adət-ənənələri haqqında hərtərəfli məlumat vermək olub.

Azərbaycan stendinin hazırlanmasına ölkəmizin Ankaradakı səfirliyi nəzdində fəaliyyət göstərən Azərbaycan Mədəniyyət Mərkəzi fəal dəstək göstərib. Mədəni tədbir iştirakçılarına milli musiqi alətləri və xalçalar, Azərbaycana həsr olunmuş nəşrlər təqdim olunub. Azərbaycan stendi universitet tələbələrinin böyük marağına səbəb olub.

Ramin Abdullayev

AZƏRTAC-ın xüsusi müxbiri

Ankara