Azərbaycanda yeni növ koronavirus (COVID-19) infeksiyasına son sutkada 1310 yoluxma faktı qeydə alınıb, 1445 nəfər müalicə olunaraq sağalıb.

Nazirlər Kabineti yanında Operativ Qərargahdan AZƏRTAC-a verilən məlumata görə, analiz nümunələri müsbət çıxan 24 nəfər vəfat edib.

İndiyədək ölkədə ümumilikdə 548 min 591 nəfərin koronavirus infeksiyasına yoluxması faktı müəyyən edilib, onlardan 509 min 201 nəfər müalicə olunaraq sağalıb, 7 min 293 nəfər vəfat edib. Aktiv xəstə sayı 32 min 97 nəfərdir.

Bu günə qədər isə ümumilikdə 5 milyon 292 min 250 test icra olunub.