Noyabrın 24-də Azərbaycan Respublikasının Birləşmiş Millətlər Təşkilatı yanında Daimi Nümayəndəliyinin “Art Council Azerbaijan” təşkilatı ilə əməkdaşlığı çərçivəsində BMT-nin Baş Qərargahında “Azərbaycan xalçalarının ikinci həyatı” adlı sərginin açılışı olub. Daimi Nümayəndəlikdən AZƏRTAC-a verilən məlumata görə, tədbir Azərbaycanda 2025-ci ilin Suverenlik və Konstitusiya İli elan olunması münasibəti ilə keçirilib və ölkənin ən məşhur mədəni ənənələrindən birinə həsr olunub.

Noyabrın 24-də Paris şəhərində Ümumdünya Mədəni və Təbii İrsin Qorunması üzrə 1972-ci il Konvensiyasına Tərəf Ölkələrin Baş Assambleyasının 25-ci sessiyası çərçivəsində UNESCO-nun Ümumdünya İrs Komitəsinin (ÜİK) 2025-2029-cu illər üzrə üzvlüyünə keçirilmiş seçkilərdə Azərbaycan Respublikası Komitənin üzvü seçilib.

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Qaradağ rayonunun Qobustan qəsəbəsində salınmış yeni parkın açılışında iştirak edib.

İşğaldan azad edilmiş ərazilərdə mina və partlayıcı hərbi sursatlarla bağlı təhlükənin aradan qaldırılması üçün ərazilərdə müvafiq təmizləmə işləri aparılmaqla yanaşı, əhalinin maarifləndirilməsi də həyata keçirilir. Bununla əlaqədar olaraq, növbəti tədbir Zəngilanın Məmmədbəyli və Xocalının Xanabad kəndlərinə köçürülən ailələr arasında keçirilib.

Müəllimin fəaliyyəti üçün təqdim edilən yeni model – 09:00-dan 18:00-dək olan iş rejimi, dərs yükünün azaldılması, metodiki və layihə fəaliyyətlərinin rəsmi iş funksiyasına çevrilməsi, yalnız sertifikasiyada yüksək bal toplamış müəllimlərin könüllü şəkildə iştirakı – Azərbaycan təhsil sistemində son onillikdə görülmüş islahatların ən məzmunlu mərhələsidir. Bu yanaşma müəllimin əməyinin real mahiyyətini qanunvericilik səviyyəsində tanıyan və onun sosial statusunu yüksəltməyə yönəlmiş struktur dəyişikliyidir.