Ermənistanda keçirilən parlament seçkilərində Nikol Paşinyanın “Vətəndaş müqaviləsi” partiyası səslərin 56,7 faizini qazanıb.

AZƏRTAC xəbər verir ki, bu barədə hakim partiyanın onlayn resursu olan “Civic News” məlumat yayıb. Bildirilir ki, bu məlumat hakim partiyanın sifarişi ilə keçirilən “exit-poll”un nəticələrinə əsaslanır.

Dərc olunmuş məlumatlara görə, iş adamı Samvel Karapetyanın “Güclü Ermənistan” partiyası səslərin 17,5 faizini toplayıb. Digər siyasi qüvvələrin nəticələri məlum deyil.

_{Xətayi Əzizov}

_{AZƏRTAC-ın xüsusi müxbiri}

_Tbilisi