Rustavi Təhsil və Mədəniyyət Mərkəzində Gürcüstanın və Azərbaycanın müstəqilliyinə həsr olunmuş bayram tədbiri keçirilib.

AZƏRTAC xəbər verir ki, əvvəlcə mərkəzin şagirdləri Azərbaycanın və Gürcüstanın Dövlət himnlərini səsləndiriblər. Sonra mərkəzin rəhbəri Raida Dərziyeva Azərbaycan və gürcü xalqlarının qədim dövlətçilik tarixi, müstəqillik uğrunda mübarizəsi və qazanılan uğurlar barədə ətraflı məlumat verib.

Daha sonra mərkəzin şagirdləri Azərbycan və gürcü dillərində şeirlər söyləyib, mahnı və rəqslər ifa ediblər.

Tədbirdə Bəhram İsayev, Mədinə Həsənova, Svetlana İsayeva, Xalidə Qəribova və Vəfa Bayramova çıxış edərək müstəqillik, azadlıq və suverenliyin əhəmiyyətindən danışıb, hər iki xalqın nümayəndələrini bayram münasibətilə təbrik ediblər.

Xətayi Əzizov

AZƏRTAC-ın xüsusi müxbiri

Tbilisi