Xarici işlər naziri Ceyhun Bayramov ilə Pakistan İslam Respublikasının Baş nazirinin müavini, xarici işlər naziri Məhəmməd İshaq Dar arasında telefon danışığı baş tutub. AZƏRTAC xəbər verir ki, telefon danışığı zamanı iki ölkə arasında tərəfdaşlıq münasibətlərindən irəli gələn məsələlər, ikitərəfli və çoxtərəfli əməkdaşlıq gündəliyinin genişləndirilməsi imkanları, habelə qarşılıqlı maraq doğuran regional və beynəlxalq təhlükəsizlik vəziyyəti müzakirə olunub.

“Şəhərsalma və Memarlıq İli” çərçivəsində Qax rayon Heydər Əliyev Mərkəzində mədəniyyət işçiləri arasında keçirilən “Mən həmişə gəncəm” adlı bilik yarışına yekun vurulub. Şəki-Zaqatala Regional Mədəniyyət İdarəsinin dəstəyi ilə keçirilən yarışda Şəki, Qax, Zaqatala, Balakən və Qəbələ rayonlarında fəaliyyət göstərən mədəni-maarif müəssisələrinin əməkdaşlarından ibarət komandalar mübarizə aparıb.

Müdafiə naziri general-polkovnik Zakir Həsənov və müdafiə nazirinin müavini – Hərbi Hava Qüvvələrinin (HHQ) komandanı general-leytenant Namiq İslamzadə hava hücumundan müdafiə hərbi hissəsinin xidməti-döyüş fəaliyyətini yoxlayıb.

“Azercell”in dəstəyi ilə şagirdlər “Info1Cup” proqramlaşdırma müsabiqəsinə qatılıblar.

UNESCO-nun mənzil-qərargahında Beynəlxalq Ana Dili Gününə həsr olunmuş yüksəksəviyyəli tədbir keçirilib. AZƏRTAC xəbər verir ki, Banqladeşin UNESCO yanında Daimi Nümayəndəliyi və UNESCO-nun Təhsil Sektorunun birgə təşkilatçılığı ilə keçirilən tədbirdə Azərbaycan da təmsil olunub.

21 Fevral – Beynəlxalq Ana Dili Günü münasibətilə Şəki-Zaqatala Regional Mədəniyyət İdarəsinin nəzdində fəaliyyət göstərən mədəni-maarif müəssisələrində silsilə tədbirlər – ədəbi-bədii gecələr, dəyirmi masalar, müsabiqələr keçirilib, kitab sərgiləri təşkil olunub.