Xankəndi – Azərbaycan Respublikasında şəhər. Qarqar çayı sahilində , Qarabağ silsiləsinin şm.-ş. ətəyində yerləşir, Bakıdan 329 km aralıdır. Sahəsi 8 km², əh.54,8 min nəfərdir. Kərkicahan qəs. Xankəndi ş.-nin yeganə inzibati vahididir.

İqlimi mülayim-istidir. Orta temp-r yanvarda – 0,2ºC, iyulda 22,4ºC-dir. İllik yağıntı 535 mm-dir. Şəhərin bünövrəsini Qarabağ xanı Pənahəli xanın oğlu Mehdiqulu xan qoyduğundan Xankəndi adlanmışdır. Qarabağ xanlığı Rusiyaya birləşdirildikdən sonra buraya gəlmə ermənilər yerləşdirilmişdir. 1923-cü ildə  erməni şovinistlərinin təzyiqi ilə kəndə Stepan Şaumyanın adı verilmişdir (Stepanakert). 1991  ildə ş.-in tarixi adı özünə qaytarılmışdır.

Azərbaycan Milli Ensiklopediyası. 25 cilddə, “Azərbaycan” cildi, Bakı, 2007, s.849