2021-2022-ci tədris ilində 500-ə yaxın ümumtəhsil müəssisəsində summativ qiymətləndirmə rəqəmsal formada təşkil olunub.

Bu Barədə AZƏRTAC-a Təhsil Nazirliyindən məlumat verilib. Bildirilib ki, ilkin mərhələdə ötən tədris ilinin I yarımilində seçilmiş 40 ümumi təhsil müəssisəsinin V, VI, VII və VIII siniflərində tədris dili, riyaziyyat və xarici dil fənləri olmaqla böyük summativ qiymətləndirmə rəqəmsal formada keçirilib. I yarımildə qiymətləndirmə prosesində seçilmiş müəssisələr üzrə 16 min 489 şagird iştirak edib.

Son sutkada Azərbaycanda yeni növ koronavirus (COVID-19) infeksiyasına 190 yoluxma faktı qeydə alınıb, 37 nəfər müalicə olunaraq sağalıb.

Avropa İttifaqının xarici siyasət idarəsinin rəhbəri Jozep Borrel Brüsselin Ukraynada davam edən münaqişə barədə növbəti qərarının anonsunu verib.

ABŞ-ın Birminqem şəhərində keçirilən XI Ümumdünya Oyunlarının qalibi, kikboksinqçi Bəhram Rəcəbzadə Vətənə qayıdıb.

Azərbaycan Kikboksinq Federasiyasının mətbuat xidmətindən AZƏRTAC-a bildiriblər ki, idmançımız və kikboksinq üzrə milli komandanın baş məşqçisi Elşən Abdulrəhimov hava limanında təmtəraqla və musiqi sədaları altında qarşılanıb. Gənclər və İdman Nazirliyinin nümayəndələri, Azərbaycan Kikboksinq Federasiyasının vitse-prezidenti Ramal Aslanov Rəcəbzadəni qazandığı qızıl medal münasibətilə təbrik ediblər.

İyul ayının ikinci ongünlüyünün sonunadək Bakıda və Abşeron yarımadasında isti hava şəraitinin davam edəcəyi, havanın maksimal temperaturunun 34-38°, bəzi yerlərdə 40°-dək yüksələcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, şimal-qərb küləyinin əsəcəyi, sürətinin iyulun 17-si axşamdan 21-i gündüzədək 15-18, arabir 20-23 metr/saniyə olacağı, iyulun 20-21-də yarımadanın bəzi yerlərində arabir saniyədə 25 metrədək güclənəcəyi proqnozlaşdırılır.