27 may 2025-ci tarixdə Göyçay şəhərində Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşkilatçılığı ilə Rəsul Rza, Əli Kərim, İsgəndər Coşqun və İbrahim Göyçaylının yaradıcılığına həsr olunmuş I Bədii Qiraət Müsabiqəsi keçirilib.

Yükləyin

6 dekabr 2024-cü ildə Göyçay şəhərində Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşkilatçılığı ilə keçiriləcək bədii qiraət müsabiqəsinə hazırlıq çərçivəsində tədbir baş tutub.

Əsgərov İbrahim Məhəmməd oğlu, (12.11.1936, Göyçay r-nunun Alıkənd k. – 24.2.2007) – şair və jurnalist, AYB-nin üzvü (1980), Əməkdar mədəniyyət işçisi (2006).

1953 ildə Göyçay ş.-də orta məktəbi bitirdikdən sonra ADU-nun (indiki BDU) Filologiya fakültəsində təhsil alıb (1953-58). Əmək fəaliyyətinə qəzetdə müxbir kimi başlayıb. Sonra Azərb. Dövlət Nəşriyyatında redaktor, “Mədəni ticarət” (“Za kulturnuyu torqovlyu”) qəzetində baş redaktor, Azərb. Televiziya və Radio Verilişləri Şirkətində redaktor, şöbə müdiri, baş redaktor kimi vəzifələrdə çalışıb. 1983–2007 illərdə baş redaktor müavini vəzifəsində fəaliyyət göstərib. Azərb. Dövlət Radiosunda 40 ilə yaxın müddətdə fəaliyyət göstərmiş İ.Göyçaylının milli radionun formalaşmasında xüsusi xidmətləri olub.

Kərimov Əli Paşa oğlu (18.3.1931, Göyçay ş. – 29.6.1969, Bakı ş.) – şair, tərcüməçi, AYB-nin üzvü (1954).

Əli Kərim 1948 ildə ADU-nun Filologiya fakültəsinə daxil olur, burada ehtiyacı olduğu yataqxana olmadığından Teatr İnstitutunun Teatrşünaslıq fakültəsinə keçir, III kursdan Moskvada, M.Qorki adına Dünya Ədəbiyyatı İnstitutunda təhsilini davam etdirir və 1955 ildə bu məşhur ədəbi təhsil ocağını fərqlənmə diplomu ilə bitirib Bakıya qayıdır, “Azərbaycan” jurnalının redaksiyasında şeir şöbəsinin müdiri vəzifəsində fəaliyyətə başlayır.

Hümbətov İsgəndər Məmməd oğlu (31.8.1927, Göyçay ş. – 10.12.1996, Bakı ş.) – şair-dramaturq, AYB-nin üzvü (1954), Əməkdar incəsənət xadimi (1991).

M.Əliyev adına Teatr İnstitutunun Teatrşünaslıq fakültəsini bitirib (1949). “Mavzoleydə“ adlı ilk mətbu şeiri “Ədəbiyyat və incəsənət“ qəzetində çapdan çıxıb (1944). 1952-55 illərdə Moskvada M.Qorki adına Ədəbiyyat İnstitutunun poeziya şöbəsində təhsil alıb. 1962 ildən M.Qorki adına Azərb. Dövlət Gənc Tamaşaçılar Teatrında ədəbi hissə müdiri işləyib. Bəstəkar Şəfiqə Axundova 1972 ildə görkəmli yazıçı Süleyman Rəhimovun eyniadlı povesti əsasında İsgəndər Coşqunun librettosu üzrə “Gəlin qayası”  muğam-operasını yazmışdır. Şərqdə qadın bəstəkar tərəfindən yazılmış ilk opera olan bu əsərin premyerası 1974 ildə Opera Teatrında baş tutub.