“İnsan hüquqları XXI əsr – Azərbaycan” Fondu tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Erməni vandalizmi: işğaldan öncə və sonra fotolarda” layihəsinin icrasına başlanılıb.

Layihənin əsas ideyası torpaqlarımız işğaldan azad edildikdən sonra qarşılaşdığımız acı mənzərəni, yerlə yeksan edilmiş tarixi və mədəni abidələrimiz, mülki və ictimai mülkiyyətin dağıdılması və talan edilməsi ilə bağlı faktları – “Erməni vandalizmi: işğaldan öncə və sonra” adlı fotosərgi ilə dünyaya çatdırmaqdır. İdeyanın reallaşdırılması üçün Estoniya və Macarıstanda mövcud Azərbaycan evlərində “Erməni vandalizmi: işğaldan öncə və sonra” adlı fotosərginin təşkili nəzərdə tutulur. Fotosərgi təxminən 1 ay müddətində Azərbaycan evlərində sərgilənəcək.

Layihə çərçivəsində həmçinin erməni vandalizminə dair fotofaktları özündə əks etdirəcək yeni saytın yaradılması da nəzərdə tutulub.

Mətbuat Xidməti