Azərbaycan Respublikasının Prezidenti İlham Əliyev oktyabrın 3-də Koreya Respublikasının milli bayramı münasibətilə bu ölkənin Prezidenti Yun Sok Yola təbrik məktubu ünvanlayıb.

AZƏRTAC xəbər verir ki, dövlətimizin başçısı məktubunda Azərbaycanın Koreya ilə əlaqələrin hərtərəfli inkişafına xüsusi əhəmiyyət verdiyini bildirib.

“İnanıram ki, ölkələrimiz arasındakı dostluq və əməkdaşlıq münasibətləri xalqlarımızın mənafelərinə uyğun olaraq birgə səylərimizlə bundan sonra da genişlənəcək və möhkəmlənəcək”, – deyə Prezident İlham Əliyev vurğulayıb.