May ayının 9-da hər il olduğu kimi Şamaxının millət vəkili Elxan Süleymanov rayon ərazisində yaşayan müharibə veteranlarını təbrik edib. Millət vəkilinin rayondakı səlahiyyətli nümayəndəsi Dəyanət Musayev bir neçə veteranı evində ziyarət edib, onlara Elxan Süleymanovun təbrik məktublarını çatdırıb və pul mükafatları təqdim edib. Bir qrup müharibə veteranı ilə millət vəkilinin qərargahında da görüş olub.

Qeyd edək ki, Böyük Vətən müharibəsi illərində şamaxılılar cəbhəyə 12 549 nəfər əsgər yola salıblar. Müharibəyə gedən şamaxılılardan 1286 nəfəri qəhrəmancasına həlak olub, 4997 nəfər isə itkin düşüb. Hal-hazırda Şamaxıda 15 Böyük Vətən müharibəsi veteranı yaşayır.