Azərbaycan Milli Xalça Muzeyinin Şuşa filialında sərgilənən sənət nümunələri qədim Qarabağ torpağının ruhunu, əsrlər boyu bu məkanda yaşayıb-yaratmış insanların, o cümlədən sənətkarların həyat və məişətini, estetik zövqünü və bədii dünyagörüşünü hiss etməyə, həmin tarixi mühiti təsəvvür etməyə imkan yaradır.

Kəlbəcərin füsunkar təbiəti qışın gəlişi ilə tamamilə fərqli bir gözəlliyə qovuşub. Uca dağlar və sıldırım qayalar ağ örpəyə bürünərək gözoxşayan mənzərələr yaradıb. Qar altındakı meşələr və dərələr bölgəyə xüsusi bir sakitlik və əsrarəngizlik bəxş edir. Bu bəyaz mənzərə Kəlbəcərin qədimliyini və vüqarını bir daha gözlər önünə sərir.

1905.az portalı Azərbaycan Fotoqrafları Birliyinin arxivindən olan  20-22.01.1990-cı il tarixində baş verən hadisələrlə bağlı fotoları təqdim edir. Fotoqraflar: Oleq Litvin, Mirnaib Həsənoğlu, Şahvələd Ayvazov, Asim Talıb, Fərid Xayrulin, Tahir Cəfərov, Fərid Məmmədov, Rauf Umud

Vətən müharibəsinin başa çatmasından beş ildən çox vaxt keçməsinə baxmayaraq, işğaldan azad edilmiş ərazilərdə mina təhlükəsi hələ də ciddi problem olaraq qalır. Vətəndaşların təhlükəsizliyini təmin etmək məqsədilə torpaqların minalardan təmizlənməsi istiqamətində genişmiqyaslı işlər davam etdirilir. Bu çətin prosesdə Azərbaycan Respublikasının Minatəmizləmə Agentliyinin (ANAMA) əməkdaşları hər gün “görünməyən düşmən”lə mübarizə apararaq böyük fədakarlıq göstərirlər.

Qarabağın turizm potensialı ilə seçilən guşələrindən biri də Ağdərə rayonunun Suqovuşan kəndidir. Kənd Murovdağ silsiləsinin ətəyində, Tərtərçayın sahilində yerləşir. 1976-cı ildə istismara verilən su anbarı Suqovuşanın təbiətinə xüsusi gözəllik qatıb. Bura ilin bütün fəsillərində əsrarəngiz təbiət mənzərələri ilə diqqəti çəkir.

Qədim Şuşa şəhərində mövcud olan 17 məsciddən ən qədimi Yuxarı Gövhər Ağa məscidi və ya Şuşa cümə məscididir. Məscid ölkə əhəmiyyətli tarixi-mədəniyyət abidəsi kimi qeydiyyata alınıb.