Bu gün Türkiyə-Azərbaycan Yüzüncü İl Platformasının təşkilatçılığı və Azərbaycan Milli Elmlər Akademiyasının ev sahibliyi ilə Ulu Öndər Heydər Əliyevin anadan olmasının 102-ci ildönümü münasibətilə “Biz Heydər Əliyev məktəbini öyrənirik” adlı maarifləndirici tədbir keçirilir.

AZƏRTAC xəbər verir ki, tədbirin əsas məqsədi dahi şəxsiyyət Heydər Əliyevin zəngin siyasi irsini, dövlətçilik fəlsəfəsini və mənəvi dəyərlər sistemini müasir gənclik arasında təbliğ etmək, eyni zamanda, onun həyat və fəaliyyətinin örnək aspektlərini elmi əsaslarla tədqiq edərək gələcək nəsillərə çatdırmaqdan ibarət olub.

Tədbirdə akademiklər, ictimai xadimlər, tədqiqatçılar, ali məktəblərin professor-müəllim heyəti, tələbələr, eləcə də Türkiyədən və Azərbaycandan olan bir sıra nüfuzlu qonaqlar iştirak edirlər.